Trajneri legjendar Arsene Wenger ka dhënë një intervistë për Bein Sports në të cilën ka reflektuar mbi dhjetë xhirot e para të Ligës Premier, kampionatin më të mirë në botë që arriti ta fitonte tre herë me Arsenalin.
Wenger vuri në dukje katër favoritë për titullin kampion, mes tyre është lideri aktual i tabelës, Tottenham, i cili hyri shkëlqyeshëm në sezon dhe ashtu si Arsenali është ende i pamposhtur.
“Më pëlqen të them gjithmonë atë që ndjej, me të vërtetë. Unë thellësisht besoj se Tottenham do të jetë një nga kandidatët për titull, për mua janë Arsenali, Liverpool, Tottenham dhe Man City, të cilat sigurisht nuk mund t’i anulojmë”.
“Këto katër skuadra duken të pjekura për titull për momentin, Tottenham duket veçanërisht mirë. Ata blenë Maddison, i cili është një lojtar i madh. Ai është lidhja nga mbrojtja në mesfushë dhe ka shtuar një kreativitet teknik në ekip. Ata blenë edhe Van de Venin, të cilin e konsideroj absolutisht të jashtëzakonshëm”, nënvizoi Wenger.
Tottenham përjetoi një rilindje nën drejtimin e trajnerit të ri Ange Postecoglou, i cili mori drejtimin e klubit këtë verë.
Në 10 ndeshjet e tij të para në Ligën Premier, ai fitoi më shumë pikë nga të gjithë debutuesit e trajnerëve në historinë e ligës më tërheqëse në botë, plotë 26. /Telegrafi/