Sulmuesit të Barcelonës, Rey Manajt, mund t’i ofrohet një largim në formë huazimi nga Katalunia këtë verë.
Sulmuesi shqiptar u soll në Camp Nou në vitin 2019, pas një sezoni magjik me Albacete, por ai ende nuk ka pasur një ndikim në ekipin e parë te Blaugranasit.
Pavarësisht se shënoi 12 gola në 21 ndeshje të ligës për ekipin rezervë, reprezentuesi i Shqipërisë shkoi në bankinë nën drejtimin e Quique Setien dhe Ronald Koeman, përpara se të huazohej te Spezia sezonin e kaluar.
Sipas raportimeve nga Marca, Barcelona është e përgatitur të largojë 25-vjeçarin, pasi ai hyn në vitin e fundit të kontratës së tij.
Getafe janë të interesuar për një huazim afatgjatë, por ata përballen me konkurrencë në rritje nga ish-skuadra Albacete, Spezia dhe së fundmi nga Watfordi.
Spezia ka refuzuar të aktivizojë opsionin e blerjes prej 2.7 milionë eurosh për të, por ata janë të interesuar për një rinovim huazimi.
Barcelona do të shtyjë për një transferim të plotë, nëse është e mundur, me Watfordin të gatshëm të ofrojnë tashmë tre milionë euro si pjesë e bisedimeve të përkohshme. /Telegrafi/