‘Pink Floyd’ janë një nga grupet më të suksesshme e më profitabile në historinë e muzikës, me mbi 200 milionë kopje të albumeve të shitura.
Në vitin 1979, ata i kënduan “murit” në albumin e tyre të famshëm “The wall”. E, mesa duket është pikërisht ky mur fokusi i cili po e preokupon së fundmi sërish muzikantin e grupit Roger Waters, që viteve të fundit realizoi një nga turnetë më të mëdha në histori pikërisht me këtë projekt.
Si shumë të tjerë, edhe ai ka një qëndrim të kundërt me presidentin Donald Trump, i cili thotë se do të ndërmarr iniciativën për ndërtimin e një muri gjigant në kufi me Meksikën, transmeton Telegrafi.
Ndërkohë Waters shprehet se e sheh të arsyeshme të performojë në kufirin mes SHBA dhe Meksikës kundër retorikës së ndërtimit të mureve.
“The Wall” nga Pink Floyd ishte kënduar në vitin 1990, me rastin e shembjes së murit të Berlinit, ngjarje të cilën veterani i këtij grupi e kishte përjetuar drejtëpërsëdrejti me pothuajse gjysmë milioni njerëzish në qytetin gjerman.
Ai poashtu ka luftuar edhe për të drejtat e palestinezëve, për çka urrehet edhe sot e kësaj dite nga Izraeli.
Roger Waters u shpreh në lidhje me presidentin Trump, se ka shumë mundësi që ai të përballet me protesta të masive, në momentin që do të ‘zbarkojë’ në Mretërinë e Bashkuar. /Telegrafi/
Koncerti i Roger Waters në Berlin, në vitin 1990.
