Elon Musk do të largojë nga puna 75 për qind të stafit të Twitterit nëse merr përsipër rrjetin social.
Një nga njerëzit më të pasur në botë do të pushojë nga puna më shumë se 5000 njerëz dhe synon të lërë vetëm ata që janë më të nevojshëm për funksionimin normal të rrjetit, pretendon Washington Post.
Analistët, ekspertët, madje edhe punonjësit e Twitterit e paralajmëruan miliarderin se një veprim i tillë do ta kthente Twitter mbrapa me vite dhe do të kërcënonte stabilitetin e tij.
Pushimet drastike do ta bënin Twitterin më të prekshëm ndaj sulmeve të ndryshme të hakerëve, mesazheve të padëshiruara dhe problemeve të tjera që nuk do të kishte mjaft njerëz për t’i trajtuar.
Në muajin prill, Musk kërkojë ta blinte Twitterin për 44 miliardë dollarë, por u tërhoq papritur nga ai biznes sepse besoi se zyrtarët e rrjeti social po e gënjenin sa i përket llogarive aktive.
Twitter e paditi atë dhe një gjykatë në Delaware u dha palëve deri më 28 tetor për ta zgjidhur problemin. Ndryshe, ata do të përballen me gjyqin në muajin nëntor. /Telegrafi/