Në edicionin e 17-të të Festivalit të Filmit “Hyjnesha në Fron”, pjesëmarrësit do të kenë mundësinë të marrin pjesë në aktivitete të shumta, duke përfshirë një masterklasë të veçantë të udhëhequr nga aktori amerikan Walter Krochmal.
Krochmal, i cili do të jetë pjesë e jurisë së festivalit, do të ndajë eksperiencën dhe njohuritë e tij me audiencën e Kosovës.
Masterklasa do të fokusohet në disa tema interesante dhe të rëndësishme për industrinë e filmit, përfshirë:
• Lidhjen mes aktorit dhe producentit
• Ndikimin e festivaleve në zhvillimin e filmit
• Shkollën amerikane të filmit dhe ndikimin e saj të veçantë në industrinë e filmit
Aktiviteti do të zhvillohet në ora 14:40 në Kino Armata.
Ky është një mundësi e shkëlqyer për ata që dëshirojnë të thellojnë njohuritë e tyre dhe të shkëmbejnë përvoja me një profesionist të njohur të industrisë. /Telegrafi/
