Aktori hollivudian, Mark Wahlberg, ka një shprehi të pazakontë, atij i pëlqen të ushtrojë në orën 4:00 të mëngjesit.
Derisa të gjithë janë duke fjetur, ylli i filmit të ri të Netflix, “Me Time”, është duke ushtruar dhe ka postuar një video në Instagram në të cilën shfaqet duke bërë stërvitje.
“Klubi i orës 4:00 të mëngjesit është kthyer”, shkroi ai, më pas një zë jashtë kamerës dëgjohet duke thënë: “Shënoni sa kohë keni qenë këtu”.
Wahlberg përgjigjet: “Që nga ora 4:00 e mëngjesit”, për të cilën shoku i tij i bën një fotografi nga dritarja dhe shton: “Jashtë ende nuk ka gdhirë”.
Një i pasionuar i fitnesit, aktori është bashkëthemeluesi i ‘Performance Inspired Nutrition’ dhe një investitor në regjimin e popullarizuar të fitnesit, ‘F45 Training’.
Këtë javë ai ka publikuar edhe fotografi, ku shfaqet pa këmishë dhe ka treguar se është kthyer në formë të shkëlqyer. Gjegjësisht, vitin e kaluar atij iu desh të shtonte rreth 15 kilogramë për rolin e tij në filmin “Father Stu”.
“Do thosha se është më e lehtë të qëndrosh në formë sesa të vish në formë. Kam shtuar pothuajse 15 kilogramë, ishte shumë e vështirë. Nuk po bëhem më i ri”, ka komentuar ai. /Telegrafi/