Marka Volkswagen do të ketë një shef të ri dizajni, pas thashethemeve se CEO i ri i markës nuk është i impresionuar me punën e Jozef Kaban.
Sipas mediave të huaja, përcjell Telegrafi, dizajneri do të zëvendësohet nga Andreas Mindt, sipas burimeve të brendshme, i cili do të lërë pozicionin e tij në Bentley për të marrë një rol të ri.
Një raport nga Automobilwoche thotë se ndryshimi do të ndodhë më 1 shkurt, duke cituar burime të paidentifikuara brenda qarqeve korporative të VW.
Kaban me sa duket nuk arriti t’i lërë përshtypje CEO i markës VW, Thomas Schäfer dhe bordit me punën e tij në makinën e qytetit ID.2, dhe thuhet se do të jetë në dorën e Mindt që të rishikojë dizajnin.
Kaban erdhi në Volkswagen nga BMW në vitin 2020, megjithëse ai punoi në marka të ndryshme të Grupit Volkswagen midis 2003 dhe 2017.
Dizajneri do të bëhet ish-punonjësi i tretë i BMW-së që do të largohet nga roli i tij, pas largimeve të ish-CEO Herbert Diess dhe Murat Aksel, i cili ka vepruar si drejtor i blerjeve.
Kaban, megjithatë, nuk do të shkarkohet. Raportet sugjerojnë se drejtuesit nuk janë aq të pakënaqur me punën e tij për të ndarë rrugët plotësisht, por në vend të kësaj do t’i japin atij një detyrë të re brenda organizatës. /Telegrafi/