Gjithsej 34 përfaqësues të organizatave dhe institucioneve të ndryshme nga Evropa kanë mundësi ti zhvillojnë kapacitetet personale, sidomos në sferën e barazisë gjinore, mediumet dhe menaxhimin me projektet, transmeton Telegrafi Maqedoni.
34 përfaqësues të organizatave dhe institucioneve të ndryshme nga 12 shtete (Maqedoni, Danimarkë, Kroaci, Greqi, Turqi, Slloveni, Letoni, Sllovaki, Rumani, Gjermani, Itali dhe Poloni) erdhën në Strugë për ti zhvilluar kapacitetet personale, sidomos në sferën e barazisë gjinore, mediumet dhe menaxhimin me projektet.
„Trajnimi ‘Biseda gjinore‘ (Gender talks) ka për qëllim ti shqyrtojë problemet e lidhura me diskriminimin gjinor në aspekte të ndryshme përmes shfrytëzimit të fuqisë së mediave, dhe me qëllim të krijimit të një shoqërie pa stereotipa dhe diskriminim, e cila do tu mundësojë të rinjve, pa dallim nga gjinia e tyre, tërësisht ta zhvillojnë potencialin e tyre dhe të marrin pjesë në jetën shoqërore“, thotë Nikola Stankoski, drejtor i Qendrës vullnetare në Shkup, e cila së bashku me televizionin danez Invandrer janë organizator të kursit dhjetëditor./Telegrafi/