Tashmë kur aktivitetet sportive janë ndalur shkaku i coronavirusit, sportistët po mundohen të gjejnë forma të ndryshme që të ruajnë formën.
Të njëjtën gjë është duke e bërë dhe Albion Rexhepaj, 11 vjeçari që luan te Trepça e Mitrovicës.
Albioni përveç që ka vullnet të madh, ai edhe sakrifikon shumë, pasi është nga Skënderaj, e stërvitjet i bën në Mitrovicë te trajneri Arsim Haliti.
Këtë vit ai do të bashkohet me gjeneratën U13, ku për trajner do t’i ketë emrat e njohur të futbollit kosovar Emin Baliqin dhe Shpëtim Fetahu.
Ai luan pozitat e sulmit dhe aktualisht ka gjetur disa mënyra që ta ruajë formën, duke e kthyer oborrin e tij në një stadium.
Albioni çdo ditë del dhe kryer stërvitje të ndryshme duke marr instruksione edhe trajnerët e tij te Trepça për disa stërvitje.
Kjo për shkak që coronavirusi ka bërë që të gjitha ngjarjet sportive të ndërpriten në Kosovë.
Më 02 shkurt të këtij viti me Trepçën ai ka marre pjesë në turneun “Jüberg Cup Hemer”, në Gjermani ku kishte paraqitje fantastike, ndërsa më 08 shkurt 2020 ka marr pjesë në turneun “Csi Talent Cup” në Gjenevë të Zvicrës me shkollën e futbollit Young Team nga Struga.
Aty ai ka luajtur kundër talentëve nga akademi të njohura si ato të Barcelonës, Man City, Porto, Basel e Nantes.
Qëllimi i tij është që një ditë të luajë në këto klub dhe trajnerët e tij kanë vetëm falë të mira për të. /Telegrafi/