"Serbia i kujton heronjtë e saj, por Serbia i kujton edhe miqtë e saj dhe ne nuk do ta harrojmë Esat Pashën i cili në momentet më të vështira ishte përkrah nesh. Esat Pasha ishe mik i serbëve, padrejtësisht i harruar dhe i anatemuar nga historia, qoftë edhe e jona", tha Vulin, raporton Klan Kosova.
Sipas tij, Esat Pasha duhet kujtuar përherë ngaqë përveçse u varros pranë serbëve në varrezat e Parisit, ndihmoi forcat ushtarake serbe për të depërtuar në Shqipëri.
"Esat Pasha është shembull se si shqiptarët dhe serbët do të duhet të bashkëpunonin. Rruga e tij ishte rruga e mirëkuptimit e marrëdhënieve të mira fqinjësore. Ai ishte shqiptar që i donte serbët e për këtë arsye nuk bën të harrohet", tha Vulin.
Esat Pasha është vrarë në Paris nga Avni Rrustemi.