Telegrafi

Vuçiq sot në Kosovë

Kryeministri i Serbisë, Aleksandar Vuçiq sot do ta vizitojë Kosovën, ku pritet t’i vizitojë disa nga vendet ku banojnë serbët.

Vuçiq do t’u drejtohet qytetarëve në Zubin Potok, ndërsa do t’i vizitojë edhe disa vende tjera. Kurse, në kohën kur po pritet të ndodhë kjo vizitë, në veri të Kosovës janë vendosur posterë dhe billboard-a, ku i urohet mirëseardhje kryeministrit serb.

Drejtori i Zyrës për Kosovën në Qeverinë e Serbisë, Marko Gjuriq u ka thënë mediave serbe se Vuçiq do të takohet me minatorët e Trepçës, do të vizitojë Zubin Potokun dhe Mitrovicën.

“Është një mbështetje e madhe për njerëzit atje që jetojnë në kohë të vështira”, ka thënë Gjuriq.

Ndërsa, kryeministri Isa Mustafa ka thënë se Vuçia do të vijë në Kosovë me leje të lëshuar nga Ministria e Punëve të Jashtme.

Vuçiq edhe disa javë më herët kishte paralajmëruar ardhjen në Kosovë, por ishte anuluar në momentet e fundit.