Ka nisur Samiti i Bërdos me liderët e rajonit, pjesë e së cilit është edhe Presidenti Hashim Thaçi.
Në këtë Samit, po merr pjesë edhe presidenti i Serbisë, Aleksandar Vuçiq, me të cilin është fotografuar presidenti Thaçi. Kjo është fotografia e parë e Thaçit bashkë me Vuçiqin si presidentë në Bërdo të Sllovenisë.
Mysafir special është Presidenti i Gjermanisë, Frank Stanmaier.
Në Samitin, që është nismë e përbashkët e Presidentes së Kroacisë, Kolinda Grabar-Kitaroviq dhe Presidentit të Sllovenisë, Borut Pahor, për të ndihmuar vendet e rajonit të Ballkanit Perëndimor në procesin e integrimeve evropiane marrin pjesë edhe presidenti i Malit të Zi, Filip Vujanoviq, ai i Shqipërisë, Bujar Nishani, i Maqedonisë, Gjorge Ivanov, i Serbisë, Vuçiq, si dhe treshja nga Presidenca e Bosnje e Hercegovinës, Dragan Coviq, Bakir Izetbegoviq dhe Mladen Ivaniq.
Thaçi gjatë ditës së djeshme ka takuar presidentin e Republikës së Sllovenisë, Borut Pahor, në Lubjanë dhe kanë konfirmuar edhe një herë marrëdhëniet e mira ndërmjet dy vendeve, shkruan gazetametro.net
“Samiti vjen në kohën kur në shtetet e Ballkanit shohim artikulim më të qartë të aspiratës euro-atlantike dhe gatishmëri për të lëvizur me hapa konkretë drejt BE-së”, u shpreh Presidenti Thaçi.
