Aleksandar Vuçiq, presidenti i Serbisë, ka publikuar një hartë të Kosovës të mbuluar me flamurin serb.
Kjo ka bërë që të shkaktojë zemërim në mesin e shqiptarëve, të cilët kanë filluar një fushatë për largimin e saj nga rrjeti social Instagram.
Një prej tyre është edhe aktivisti Shpend Lila, i cili ka reaguar ashpër duke kërkuar që të raportohet postimi i presidentit serb, transmeton Telegrafi.
“Unë luftoj shumë për të drejtën dhe njerëzit e mi. S’kam asgjë kundër njerëzve të pafajshëm. Kemi heq shumë. Kjo është e papranueshme dhe e pavërtetë. Ju lutem ta raportoni në Instagram”, ka shkruar ai.
Ndryshe, Vuçiq fotografinë e publikuar në llogarinë personale e ka shoqëruar me mesazhin “Serbia sot nuk është e dobët, nuk kërcënon, por dhe nuk harron, dhe nuk do të lejojë që 17 marsi të ndodhë përsëri”. /Telegrafi/
Une luftoj shume per te drejten dhe njerzt e mi. Skam asgje kunder njerzve te pafajshem. Kemi hjeke shume. Kjo eshte e…
Posted by Shpend J. Lila on Thursday, March 18, 2021