Presidenti në ardhje i Serbisë, Aleksandar Vuçiq, ka thirrur për nesër në orën 14:00 mbledhje të Byrosë për Koordinim të Shërbimeve të Sigurisë.
Takimi është caktuar për të diskutuar për situatën e krijuar në Maqedoni pas zgjedhjes së Talat Xhaferit në krye të Kuvendit, për çka shpërtheu në dhunë brenda këtij institucioni.
Mediat në Serbi raportojnë se Vuçiqi ka arritur urgjentisht në shtabin e Qeverisë së tij për të përcjell më për së afërmi situatën në Shkup.
