Presidenti i Serbisë, Aleksandar Vuçiq, ka deklaruar se paralajmërimi nga Kosova se janë duke punuar në formimin e ushtrisë është duke i frikësuar serbët, raportojnë mediat serbe.
Këto komente Vuçiq i bëri kur është pyetur nga gazetarët se si i sheh paralajmërimet nga Prishtina zyrtare, që këtë javë do të marrin vendimin për formimin e ushtrisë, transmeton Telegrafi.
Ai gjithashtu ka komentuar edhe faktin që Kosova është duke tentuar të anëtarësohet në Interpol gjatë 20 nëntorit.
“Është një situatë e vështirë, pasi disa nga partnerët tanë perëndimorë janë duke punuar me këmbë e duar që Kosova të jetë anëtare e Interpolit”, ka shtuar Vuçiq. /Telegrafi/