Presidenti serb, Aleksandar Vuçiq ka bërë të ditur se do të insistojë për një përgjigje siç ka thënë ndaj “helmimit të pretenduar të anëtarëve të Komisionit Zgjedhor të Kosovës”.
Madje, siç shkruajnë mediat serbe, përcjell Telegrafi, ai ka shtuar se do të flasë “për helmimin e pretenduar para OKB-së vitin e ardhshëm”.
“Bota nuk ka parë gënjeshtarë të tillë politikë. Ajo dozë e pamatur për të fajësuar vendin normal për diçka të tillë nuk është parë akoma. Dhe pastaj, eksperti Kurti flet për normalizimin me Serbinë”, citohet të ketë thënë Vuçiq kur është pyetur që të komentojnë numërimin e votave nga Serbia në rrobat mbrojtëse për shkak të materialit të dyshuar të dëmshëm që dyshohej se gjendej në zarfe me fletë votimi.
Problemi, theksoi ai, ishte se ai e kuptonte qartë “pse ata e bënë tërë farsën”.
“… Ata e bënë këtë për arsye politike”, theksoi ai.
Vuçiq ka thënë gjithashtu se askush nuk i ofroi Beogradi asgjë kur bëhet fjalë për çështjen e Kosovës, përveç njohjes së Kosovës brenda kufijve të njohur nga vendet perëndimore.
I pyetur nëse ishte e vërtetë se i Dërguari Special i Presidencës amerikane për negociatat Beograd-Prishtinë, Richard Grenell, kërkoi në mënyrë të qartë njohjen e Kosovës dhe në kthim ka ofruar investime, Vuçiq tha se ai kishte një bisedë pozitive dhe të mirë me të dhe nuk do t’i përgjigjej pretendimeve dhe supozimeve që shfaqen në publik. /Telegrafi/