Sulmues të armatosur kanë vrarë një oficer policie dhe kanë rrëmbyer pesë mësues dhe një numër të panjohur studentësh nga një shkollë në shtetin veriperëndimor Nigerian të Kebbit.
Sulmi ndodhi të enjten në Kolegjin e Qeverisë Federale në qytetin e largët të Birnin Yauri në shtetin Kebbi. Ky ishte sulmi i tretë nga bandat e armatosura në një shkollë apo kolegj në Nigeri në më pak se një muaj që u janë atribuar nga autoritetet banditëve që kërkojnë pagesa shpërblimi.
Një zëdhënës i policisë në shtetin Kebbi, Nafiu Abubakar, tha se një oficer ishte qëlluar për vdekje gjatë një shkëmbimi zjarri midis policisë dhe sulmuesve, dhe një student gjithashtu ishte qëlluar dhe po merrte trajtim mjekësor, raporton aljazeera.
“Ne jemi ende duke u përpjekur të konstatojmë numrin e studentëve të rrëmbyer, por pesë mësues u rrëmbyen”, tha Abubakar.
Abubakar tha se forcat e sigurisë po kontrollonin një pyll për t’i gjetur studentët dhe mësuesit e rrëmbyer. /Telegrafi/