Veseli përfaqësonte Partinë Socialiste dhe pritej të rikandidonte për herë të tretë për vendin e kryetarit të komunës.
Policia dhe familjarët e viktimës kanë thënë se Veseli nuk ka pasur konflikte për bindje politike apo çështje personale. Ai ishte i pamartuar dhe jetonte me dy vëllezërit e tij në qytetin e Kukësit.
Nuk ka pasur dëshmitarë në skenën e krimit.
Ekspertët kanë thënë se Veseli është vrarë nga një distancë krejt e afërt në mbrëmjen me shi të së hënës. Familjarët i kanë thënë policisë se vrasësi e kishte thirrur Veselin kur ai ndodhej në shtëpi dhe kur ka dalë në portën e jashtme të shtëpisë është qëlluar tre herë me pistoletë.
E përditshmja e Tiranës “Panorama” tha se policia ka filluar menjëherë hetimet, por personat e shoqëruar në komisariat për tu pyetur janë ose të afërm të viktimës, ose familjarë të tij. /Telegrafi/