Ministria e Mbrojtjes së Turqisë ka bërë të ditur se janë vrarë pesë ushtarë turq në veri të Irakut.
“Terroristët kryen një sulm gjatë tentativave për depërtimin në një bazë në rajonin e Operacionit Claw-Lock. Është bërë e ditur se si pasojë e sulmit të pabesë kanë rënë dëshmorë pesë ushtarë dhe janë plagosur 8 ushtarë tanë”, thuhet në njoftim.
Bëhet e ditur se tre prej ushtarë janë në gjendje të rëndë ndërsa të lënduarit u dërguan në një spital.
Pençe-Kilit Harekâtı bölgesinde 12 Ocak 2024 tarihinde bir üs bölgemize sızmaya çalışan teröristlerle çıkan çatışmada beş kahraman silah arkadaşımız şehit olmuş, üçü ağır sekiz kahraman silah arkadaşımız da yaralanmıştır. Yaralılarımız hastaneye sevk edilmiş ve tedavilerine… pic.twitter.com/Oq4aVx6I4C
— T.C. Millî Savunma Bakanlığı (@tcsavunma) January 12, 2024
“Sipas gjetjeve fillestare, 12 terroristë u neutralizuan gjatë konfliktit. Operacionet vazhdojnë në rajon”, thuhet më tutje në njoftimin e qeverisë turke.
Theksojmë se në këtë rajon veprojnë trupat e organizatës kurdë të PKK-së, e cila kohë pas kohe organizon sulme ndaj trupave turke.
Ndryshe, Turqia dhe disa shtete evropiane e konsiderojnë PKK-në organizatë terroriste, e cila tash e sa kohë lufton për krijimin e shtetit të Kurdistanit. /Telegrafi/