Ryan Grantham, një aktor i ri kanadez i cili u shfaq në shfaqjen televizive “Riverdale”, është dënuar me burgim të përjetshëm pasi pranoi se kishte vrarë nënën e tij si pjesë e një skeme të gjerë në të cilën ai tha se kishte planifikuar të vriste edhe kryeministrin Justin Trudeau.
Grantham, 23-vjeçar, u deklarua i përshtatshëm për lirim me kusht pas 14 vitesh gjatë procedurave të dënimit në Gjykatën Supreme të Kolumbisë të mërkurën, sipas prokurorëve dhe një avokati të artistit.
Grantham ishte deklaruar fajtor në fillim të këtij viti për vrasje të shkallës së dytë, e cila mbart një dënim automatik me burgim të përjetshëm. Çështja kryesore gjatë dënimit ishte se kur ai do të kishte të drejtë për lirim me kusht.
Prokurorët kishin kërkuar një periudhë pritjeje 17-18-vjeçare përpara se Grantham të mund të aplikonte për lirim me kusht, avokati i Grantham kishte kërkuar një periudhë prej 12 vjetësh dhe një gjykatës të mërkurën zgjodhi një numër në mes.
Gjykata vendosi gjithashtu një ndalim të përjetshëm të armëve të zjarrit për Grantham, thanë prokurorët.
Ryan ka nisur karrierën që fëmijë dhe ka marrë pjesë në një sërë filmash të njohur. Ai u shfaq në filmin e vitit 2010 “Diary of a Wimpy Kid”, në të cilin luajti Rodney James, dhe në disa filma të tjerë, duke përfshirë “Imaginarium of Doctor Parnassus”.
Së fundmi luajti personazhin Jeffery në një episod të vitit 2019 të “Riverdale”.
Krimi ndodhi më 31 mars 2020, kur Grantham, atëherë 21-vjeç, qëlloi nënën e tij, Barbara Waite, në pjesën e pasme të kokës së saj ndërsa luante piano në shtëpinë e tyre në Squamish, një qytet në Kolumbi. /Telegrafi/
