Sulmuesi i armatosur i cili nisi një sulm me armë zjarri ndaj njerëzve në një koncert në Las Vegas duket se e ka bërë këtë duke përdorur një “mashtrim ligjor” që pothuajse kushdo mund ta bëjë.
Sipas mediave të huaja, përcjell Telegrafi, shumë njerëz kanë shtruar pyetjen se si Stephen Paddock arriti të përdorte armët e tij për kaq kohë të gjatë, duke shkrepur plumba në rreth 15 minuta.
Armët e shumta që ai nxori nga dhoma e tij e hotelit e lejuan atë të vriste të paktën 59 njerëz dhe të plagoste qindra të tjerë.
Shpejtësia e këtyre të shtënave bëri që disa të sugjeronin që Paddock po përdorte armë automatike. Por pushkët automatike janë vështirë për t’u blerë në SHBA.
Në vend të kësaj, siç thuhet më tej, ai përdori një “pajisje speciale” në të paktën dy nga armët.
Siç thuhet më tej, është një shtojcë për armën që teknikisht e lejon që ajo të llogaritet si gjysmë automatike, pavarësisht se mund të përdoret për zjarr si një pushkë automatike.
Kjo ka tërhequr vëmendje në vitet e fundit nga autoritetet. Por ato janë krejtësisht ligjore dhe rregullisht të disponueshme në shumë shtete.
Senatorja e Kalifornisë, Dianne Feinstein kishte ngritur këtë shqetësim, disa vjet më parë. Ajo kishte thënë se ishte e shqetësuar për shfaqjen e teknologjive të reja që mund të “shndërrojnë” armët e zjarrit për t’i bërë ato plotësisht automatike. /Telegrafi/
