Forcat speciale RENEA kanë mundur të lokalizojnë dhe arrestojnë pas 21-orësh ndjekje, Lekë Vuksanin, 34-vjeçarin i cili mesditën e të martës ekzekutoi me breshëri kushëririn e tij Petrit Vuksani.
Policia ka mundur të gjejë dhe sekuestrojë armën e zjarrit automatik me të cilën dyshohet se autori kreu krimin.
Viktima Petrit Vuksani u qëllua nga kushëriri i tij Lekë Vuksani, në ambientet e banesës së tij në lagjen ‘Skëndërbeg” në Shkodër.
Mësohet se viktima kishte vetëm pak ditë që ishte kthyer nga Anglia, vend në të cilin jetonte dhe punonte.
Shkak i ngjarjes dyshohet të jetë bërë kërkesa e lekëve të qerasë që viktima i bëri kushëririt të tij 34-vjeçar. Ky i fundit pas konfliktit i ka shkuar me automatik në banesë ku dhe e ka ekzekutuar.
Materialet në ngarkim të autorit 34-vjeçar i kaluan prokurorisë për veprime të mëtejshme. /Telegrafi/
