Disa pamje të publikuara nga mediat e huaja, thuhet se tregojnë momentin kur policia katalonase kryenin një operacion antiterror në qytetin bregdetar të Cambrils, rreth 100 km nga Barcelona.
Siç shkruajnë mediat e huaja, përcjell Telegrafi, pesë të dyshuar u vranë, ndërsa gjashtë civilë dhe një oficer i policisë u plagosën.
Një aksion i tillë ndodhi vetëm pak orë pasi një shofer i furgonit la 13 të vdekur dhe më shumë se 100 të plagosur rreth 70 milje larg nga Barcelona.
Hetuesit kanë thënë se po punojnë në teorinë nëse sulmet në Cambrils dhe Barcelonë, si dhe një shpërthim në qytetin Alcanar të mërkurën, janë të lidhura.
Ndërkohë, mediat kanë raportuar gjithashtu se rripat eksploziv të veshur nga sulmuesit e vrarë nga policia në Cambrils ishin të rremë. /Telegrafi/
