Policia dhe Prokuroria Publike ende nuk kumtojnë nëse ka ndonjë rezultat nga kërkimi i vrasësit të biznesmenit të Strugës, Dilaver Bojku-Leku.
Nuk jepen as informacione zyrtar mbi arsyet e mundshme për vrasjen. Edhe pse opinioni pret që të dëgjojë se deri ku është hetimi për këtë ngjarje e cila ka ngjallur interesim të madh, jo vetëm në Maqedoni por edhe më gjerë, deri më tani nuk është kumtuar asgjë më shumë se informatat e dhëna paraprakisht, edhe pse kanë kaluar disa ditë.
Nga Sektori për Punë të Brendshme në Ohër janë përgjigjur shkurtë se për këtë ngjarje janë marrë në pyetje rreth 30 persona./Telegrafi/