Një ngjarje e rëndë ka ndodhur mbrëmjen e djeshme në lagjen “5 Maji” në Tiranë, ku si pasojë ka mbetur i vrarë me armë zjarri një 27-vjeçar.
Policia njofton se autori i ngjarjes së rëndë është një 28-vjeçar, i cili është identifikuar dhe është shpallur në kërkim.
Po ashtu, në kërkim janë shpallur edhe 5 shtetas të tjerë për veprat penale “Moskallëzim krimi” dhe “Veprime që pengojnë zbulimin e së vërtetës”.
Ndërkohë policia është duke vijuar punën për sqarimin e plotë të ngjarjes dhe për kapjen e shtetasve të shpallur në kërkim. /Telegrafi/
