Telegrafi

‘Vrapimi i çmendur’ i Kantes në minutat shtesë ndaj Atleticos ka befasuar të gjithë dhe ka ‘pushtuar’ rrjetet sociale

Shkumbin Pireva

N’Golo Kante përmblodhi atë që ka të bëjë me të gjithë ndeshjen e tij gjatë përballjes së Chelseat kundër Atletico Madridit, duke prodhuar një ‘vrapim të çmendur’ të klasit botëror në minutën e 94-të të ndeshjes.

Blutë fituan me rezultat 2-0 në Stamford Bridge të mërkurën në mbrëmje ndaj Atleticos në ndeshjen kthyese të 1/8-tës së Ligës së Kampionëve, duke siguruar kualifikimin në çerekfinale.

Golat për londinezët u shënuan nga Hakim Ziyech (34’) dhe Emerson Palmieri (90+), por mesfushori Kante ishte një interpretues i shkëlqyeshëm dhe paraqitja e tij po vlerësohet lartë.

Ai mbuloi të gjithë fushën dhe arriti të mbyste gjithçka që ekipi spanjoll u përpoq, ndërsa siguroi gjithashtu ndihmë në sulm.

https://twitter.com/PUNDITsFC/status/1372310933998080003

Një ‘vrapim i çmendur’ apo një ‘sprint’ i francezit në minutat shtesë të ndeshjes ka befasuar të gjithë, ndërsa janë pushtuar rrjetet sociale duke folur për të.

Rasti në fjalë ishte përfshirja e tij në golin e vonë të Palmierit, ku pa francezin të vraponte gjithë gjatësinë e fushës në vetëm tetë sekonda.

Kante tërhoqi Mario Hermoson në vrapimin e tij, duke i bërë hapësirë ​​Emersonit në të majtë, i cili pas asistimit shënoi në portën e Jan Oblak.

Shumë tifozë lavdëruan dhe theksuan vendosmërinë e Kantes në minutat shtesë duke e cilësuar lojtarin si njëri nga më meritorët për kualifikimin e Bluve në çerekfinalen e parë të Ligës së Kampionëve në shtatë vitet e fundit. /Telegrafi/

https://twitter.com/Apa_mallis/status/1372316267110088712