Carl Webb dhe gruaja tij nga Tennessee e Shteteve të Bashkuara, po ktheheshin me veturë nga një aheng, pa ditur se në pjesën e pasme të veturës së tyre, ndodhet një njeri i shtrirë.
Ata kanë vozitur 22 kilometra, ndërsa sipër Ford Taurusit ndodhej një burrë i dehur dhe pa vetëdije, transmeton Telegrafi.
Nuk dihet se si ka qëndruar ai në atë vend që është i gjerë vetëm 35 centimetra dhe nuk është rrëzuar kur ata lëviznin me shpejtësi dhe hynin nëpër kthesa.
Pasi është ndaluar makina, ai ka tentuar të largohet, por është kapur nga forcat e rendit dhe po qëndron në mbajtje. /Telegrafi/
