Volvo mori pjesë në trajnimin praktik të ekipit shpëtues dhe shkatërroi disa prej makinave të saj.
Për shpëtimin e jetës çdo sekondë është e rëndësishme, prandaj është e rëndësishme që ekipi i shpëtimit të jetë i koordinuar në mënyrë të përsosur dhe të bëjë të gjithë punën e shpëtimit të viktimës në një aksident trafiku në kohën më të shkurtër të mundshme, transmeton Telegrafi.
Në këtë praktikë është një metodë e pazëvendësueshme për të arritur efikasitet të lartë të ekipit, kështu që Volvo vendosi të merrte pjesë aktive në trajnimin e disa ekipeve të shpëtimit. Prandaj Volvo hodhi një duzinë makinash me ndihmën e një vinçi nga një lartësi prej 30 metrash dhe kështu simuloi një përplasje ekstreme, duke lënë ekipet e shpëtimit të përpiqen të lirojnë pasagjerët nga automjeti në mënyrën më të shpejtë të mundshme.
https://www.youtube.com/watch?v=kM_6EY7T5To
Trajnimi i ekipeve të shpëtimit të udhëhequr nga zjarrfikësit bëhet më shpesh në rrënojat e mbeturinave, por ky është një mjedis shumë më realist. Volvo ka qenë në gjendje të simulojë disa lloje aksidentesh, nga ato midis dy automjeteve me madhësi të ndryshme, deri te përplasjet në të cilat nuk aktivizohen zona deformimi.
Në çdo rast, shpëtimi nga automjetet më të reja është padyshim një sfidë më e vështirë. Prandaj, një raport i bazuar në këto raste të praktikuara do të ketë një rëndësi të madhe për shpëtuesit suedezë me të cilët Volvo ka bashkëpunuar për vite me rradhë. /Telegrafi/
