Ndërkaq, tregtia me Gjermaninë mund të ketë edhe një hov të ri, të dukshëm dhe volumi tregtar ndërmjet Gjermanisë dhe Shqipërisë ka gjasa të dyfishohet në vitet e ardhshme.
Të këtij mendimi ishin organizatorët e konferencës ekonomike Gjermani-Shqipëri në Hamburg, në të cilin bënin pjesë “Shoqata ekonomike Gjermani-Shqipëri”, “Shoqata e Evropës Lindore dhe Qendrore” dhe “Komiteti Lindor i Ekonomisë Gjermane”.
Sipas statistikave, nga viti 2005 në 2009 volumi tregtar është rritur nga 110 milion në 232 milion euro, ndërsa potenciali në rritje mbështetet nga Marrëveshja e Stabilizim- Asociimit, e cila ka hyrë në fuqi në pranverën e vitit 2009.
Pavarësisht nga shumë lavdërime, shoqatat ekonomike kërkojnë përparim të mëtejshëm të reformave, si ndërkombëtarizimin e turizimit, modernizimin e bujqësisë, forcimin e sigurisë ligjore etj. /NOA-Telegrafi/