Sot në Tiranë do të mbahet Samiti për Ukrainën. Presidenti i këtij shteti, Volodymyr Zelensky ateroi në aeroportin e Rinasit në orën 23:00 të së martës.
Zelensky u prit në aeroport nga ministri i Jashtëm, Igli Hasani.
Tirana do të jetë kryeqendra e diplomacisë evropiane për dy ditë me radhë, ku do të zhvillohet samiti i Ukrainës dhe ai i liderëve të Ballkanit Perëndimor.
Takimin e parë, Zelensky do ta ketë me kryeministrin shqiptar Edi Rama.
“I nderuar të mirëprisja në Tiranë, Presidentin e Ukrainës, Volodymyr Zelensky.
Ky është një moment kyç për zhvillimin e marrëdhënieve dypalëshe dhe të qëndrojmë në solidaritet me Ukrainën në luftën e saj heroike kundër agresionit të Rusisë”, shkruan Hasani. /Telegrafi/
