Mërgim Vojvoda është deklaruar para ndeshjes që Kosova do të zhvillojnë përballë ndaj Greqisë në Ligën e Kombeve.
Përfaqësuesja jonë do të jetë mysafir i grekëve, në takimin që fillon në ora 20:45.
“Natyrisht se në lojën tonë janë duke ndikuar edhe mos prezenca e tifozëve tonë në stadiume”, ka thënë Vojvoda.
“Ju e dini se në të gjitha ndeshjet si brenda dhe jashtë e kemi pasur popullin tonë mbrapa shpinës”.
“Nesër (e mërkure) do të jap maksimumin që të fitojmë takimin ndaj Greqisë. Unë jam në gjendje të mirë dhe jam i gatshëm të jap maksimumin”.
“Nëse Greqia mendon se mund të fitojë lehtë ndaj nesh, ne na lehtëson punën, pasi ne jemi të përgatitur dhe nuk e nënçmojmë askënd, do të flasim në fushë”.
“Më shumë se lojtarët askush nuk dëshiron të fitojë, nuk kemi ardhur këtu që të flemë, por të fitojmë. Duhet të dimë që është situata me COVID-19 dhe ne lusim që Dardanët të jenë me ne gjatë gjithë kohës”, ka shtuar më tej reprezentuesi i Kosovës. /Telegrafi/