Beatrice Felicia që ishte grabitur së bashku me veturën e babait të saj, është gjetur e gjallë dhe shëndosh në një pjesë periferike të Londrës.
Fëmija gjashtëvjeçar, ka qenë në ulësen e pasme të Volgswagen Passat, të cilën ia ati saj donte ta shiste, transmeton Telegrafi.
Por, në momentin që po bisedonte me blerësin e mundshëm, dikush ka hipur në makinë dhe është larguar në drejtim të panjohur.
Pas njoftimit të rastit, forcat e rendit dhe vullnetarët e shumtë kanë nisur ta kërkojnë, si dhe të shpërndajnë fotografitë e saj në rrjete sociale.
Mirëpo, pas disa orësh një banor ka njoftuar se e ka gjetur vogëlushen në lagje dhe ajo ka gjendje të mirë.
Mësohet se ata e kanë larguar nga vetura dhe nuk ka qenë synim që ta grabisin, ndërsa tashmë janë bërë disa arrestime rreth rastit. /Telegrafi/