Një vajzë nga Kolorado e SHBA-ve, ka humbur jetën kur rripi i luhatëses e ngufati në parkun e lodrave të shkollës.
Brooklyn Thill, 6-vjeçe, po qëndronte e ulur në luhatësen e parkut të lodrave në shkollë që është i dedikuar për fëmijët me nevoja të veçanta, dhe që të gjitha lodrat i ka të pajisura me rripa të sigurisë, transmeton Telegrafi.
Dhe derisa askush nuk po i kushtonte vëmendje, të ndjerës i është lidhur disi rripi në fyt dhe ka filluar të ngufatet.
Kjo ngjarje e tmerrshme raportohet të ketë ndodhur më 5 dhjetor, kurse vajza ka humbur jetën tri ditë më vonë në spital.
Policia ka njoftuar se është duke bërë të pamundurën që ta zgjidh rastin e kësaj tragjedie, kurse menaxhmenti i shkollës i ka hequr të gjitha luhatëset nga parku i lodrave.
“Zemra na është thyer. Princesha jonë tani është engjëll”, ka shkruar nëna e saj në Facebook. /Telegrafi/
