Oda Ekonomike e Maqedonisë (OEM) ka vlerësuar dhjetë kompanitë më të suksesshme të vogla dhe të mesme, kompani të cilat janë certifikuar me „Excellet SME Macedonia“, transmeton Telegrafi Maqedoni.
Ky vlerësim vlen për të arriturat e tyre për vitin e kaluar, ndërkaq „Excellet SME Macedonia“ është certifikatë buznesi që OEM-ja e shpërndanë që nga viti 2013, në bashkëpunim me agjencinë e njohur për rejting kreditor ”COFACE” – Kroaci, për kompani më të suksesshme të vogla dhe të mesme në Maqedoni.
Deri në fund të viti 2015, janë certifikuar mbi 100 kompani që punojnë në Maqedoni. Këto kompani arrijnë qarkullim të përbashkët prej 520 milion euro, fitim prej 25 milion euro dhe punësojnë rreth 4500 punëtorë./Telegrafi/