Të gjithë e njohin Britney Spears si një nga këngëtaret pop më të spikatura të shekullit 21.
Hiti i saj i vitit 1999 “Baby One More Time” si dhe i vitit 2000 “Oops! I did it again” janë dy nga këngët më të mëdha në historinë e muzikës.
Kohët e fundit, Spears ka bërë bujë të madhe në media për arsye ligjore. Ajo ka qenë në gjyq për të provuar të heqë një kujdestari dhe kjo ka qenë një çështje e kushtueshme.
Më poshtë ua sjellim një vështrim se sa është vlera neto e 39-vjeçares për vitin 2021 dhe sa arriti:
Pasuria neto e Britney Spears për vitin 2021
Britney Spears aktualisht ka një pasuri neto prej 70 milionë dollarësh, pasi ka shitur mbi 100 milionë rekorde në mbarë botën.
Megjithatë, këngëtarja e muzikës pop i ka kaluar 13 vitet e fundit në pamundësi për të kontrolluar asnjë nga pasuritë e saj financiare.
Ndikimi i kujdestarisë së të atit në pasurinë e saj
Në vitin 2008, pasi biondja pësoi probleme në lidhje me shëndetin mendor, babai i saj, Jamie Spears, mori nën kontrollë financat e artistes duke u bërë kështu kujdestari i saj për 13 vite rresht.
Megjithatë, këtë vit, pas një beteje të gjatë ligjore mes këngëtares dhe babait të saj, të drejtat e Jamie Spears si kujdestar u pezulluan dhe kontabilisti John Zabel ka marrë përkohësisht detyrën e kujdestarit.
Forbes zbuloi këtë kohë se Jamie Spears ishte paguar të paktën pesë milionë dollarë që nga viti 2008.
Këto shuma, si dhe një numër pagesash për avokatët në përpjekjen për t’i dhënë fund kujdestarisë së saj do t’i kushtojnë Spears një shumë të konsiderueshme. /Telegrafi/