Artisti 46-vjeçar qe tetëmbëdhjetë vite jeton në SHBA, ndërsa lajmi për ekspozitën e tij është bërë i ditur edhe nga shtypi spanjoll.
Drejtori i Agjencisë së lajmeve “Galizia Press”, Roberto Moskowich, prezantoi autorin shqiptar si “bir arti” të shkrimtarit dhe regjisorit Gjergj Vlashi, duke nënvizuar edhe lidhjet e familjes së tij me muzikën.
Prezantuesi vlerësoi stilin e pikturave “ndërmjet neoekspresionizmit dhe abstraktit”.
Në ekspozitën në La Coruna u paraqitën 28 punime në vaj, ku dominon tema e muzikës. Do të qëndrojë e hapur deri më 25 tetor./panorama/telegrafi/