Megjithë komentet pozitive për koleksionin e saj të ri të prezantuar së fundmi, Vjolla Llapashtica u përball edhe me disa akuza.
Kreatorja e njohur u akuzua nga studentja e saj, Genta Basha se pjesë e këtij koleksioni janë disa modele të krijuara nga ajo në vitin 2015.
E kontaktuar nga Telegrafi Vjollca tha se e ka shokuar ky lajm, i cili sipas saj nuk është aspak i vërtetë.
“U ndjeva e shokuar kur mora lajmin që studentja ime favorite më akuzoj për vjedhje idesh! Është hera e parë që hasi në një akuzë të tillë gjatë gjithë karrierës sime”, tha kreatorja duke shtuar se kurrë nuk ka thënë që nxënësi nuk mund të bëhet më i mirë se mësuesi, por jo në këtë mënyrë.
“Knaqësia ime kish qenë që vërtet ky model të ish realizuar prej studentës sime në vitin e kaluar për modelen Martini dhe emri i saj te ishte cituar për të mirë nëpër media, e jo si sot për kësi lloj shpifje”, përfundoj Llapashtica.
Fustani për të cilin studentja Genta Basha pretendon se i është vjedhur, është veshur nga Angela Martini në Festivalin e Cannes./Telegrafi/
