Rrjeti social Instagram gjeti diçka që pëlqehet më shumë se sa një fëmijë i familjes Kardashian, dhe ajo ishte fotografia e një veze.
Më datë 4 janar, në rrjetin social Instagram është publikuar një fotografi e një veze, e cila theu rekordin botëror me pëlqimet e arritura në këtë rrjet social.
Aktualisht, veza numëron mbi 30 milionë pëlqime, teksa numëronte plot 23 milionë në momentin që lajmi u bë viral.
Ndërkohë, fotografia e dytë më e pëlqyer mbetet ajo e Kylie Jennerit, e cila mbante primatin deri më tani, teksa aktualisht numëron mbi 18.2 milionë pëlqime.
Duke qenë se është qesharake që një vezë të thyejë rekordin e një modeleje me famë botërore, e cila pozonte me foshnjën e saj, Kylie Jenner ka vendosur që të reagojë për herë të parë rreth kësaj çështje.
Ajo ka publikuar një video në llogarinë e saj zyrtare në Instagram, ku shfaqet në rrugë teksa thyen një vezë, ndërsa shkruan në mbishkrimin e saj: “Kylie kur pa rekordin e vezës”.
“Merreni këtë vezë”, shkruan më tutje ajo, ndërsa duket paksa “xheloze” që fotografia e saj tashmë nuk mban vendin e parë si imazhi më i pëlqyer i të gjitha kohërave. /Telegrafi/
