Kryeministri izraelit Benjamin Netanyahu ka mbajtur për herë të parë një konferencë shtypi pas lajmit për vrasjen e tri pengjeve gabimisht nga ushtria izraelite.
Të premten, IDF apo Forcat e Mbrojtjes së Izraelit kanë vrarë gabimisht tre shtatas izraelitë të cilët ishin pengje të Hamasit, transmeton Telegrafi,
Ushtria, sipas deklaratës, i kishte konsideruar si një kërcënim duke qëlluar drejt tyre.
“Shteti i Izraelit po vajton vdekjen e tri pengjeve tona”, deklaroi Netanyahu në konferencën për shtyp.
“Rasti më theu zemrën mua, po ashtu edhe të gjithë kombit”.
Konferencës për shtyp iu bashkua edhe ministri i Mbrojtjes së Izraelit, Yoav Gallant i cili tha se ai mban përgjegjësi për gjithçka që po ndodh në luftë.
“Ishim shumë afër t’i sjellim në shtëpi”, potencoi Gallant në konferencë.
Tri pengjet që u vranë gabimisht nga ushtria e Izraelit mbanin në duar flamuj të bardhë të improvizuar, sipas raportimeve.
Viktimat ishin Samer Talalka (22 vjeç), Yotam Haim (28 vjeç) dhe Alon Shamriz (26 vjeç). /Telegrafi/