Emisioni “Metamorfoza” ka arritur tashmë të shndërrohet në një nga emisionet më të dashura për publikun.
Nga java në javë, ky emision sjell transformimet e personazheve të ndryshëm, të cilët të pakënaqur me dukjen e tyre kërkojnë nga emisioni që të plotësojë dëshirat e tyre për ndryshim.
Personazhi i radhës ishte Luljeta, një vajzë 25 vjeçare nga Obiliqi, e cila kishte disa probleme me fytyrën dhe lëkurën, të cilat i mënjanoi falë trajtimeve që bëri gjatë emisionit.
Më pas, e kishin radhën vizitat në butik, për të bërë përzgjedhjen e veshjes me të cilën ajo do të defilonte në fazën finale.
Dhe në fund të emisionit, Luljeta ngeli e mahnitur me dukjen e saj përfundimtare, pasi kishte përjetuar një “metamorfozë” të vërtetë.
Moderatorja e emisionit, Suzana Mushkolaj, edhe këtë herë rrëmbeu vëmendjen e ndjekësve me paraqitjen e saj elegante dhe hijeshinë skenike. /Telegrafi/
