Një video e publikuar së fundmi në internet, shfaqet momentin kur disa persona që konsumojnë një lloj të ri të marihuanës, mezi arrijnë të qëndrojnë në këmbë dhe i bën të duken si “përbindësha”.
Në pamjet e publikuara më poshtë të filmuara nga kamerat e sigurisë, shihen se si persona sëmuren keq dhe mezi qëndrojnë në këmbët e tyre pas konsumimit të një droge “sintetike”, transmeton Telegrafi.
Pamjet janë filmuar në Auckland të Zelandës së Re gjatë këtij viti, por së fundmi është publikuar nga policia si paralajmërim për të tjerët që të mos ndjekin hapat e tyre.
Një burrë i paidentifikuar që shfaqet në video mund të shihet se si humb baraspeshimin dhe vjell nga konsumimi i kësaj lloj droge, dhe më pas rrëzohet në tokë.
Policia e Zelandës së Re është alarmuar së fundmi, pasi kjo lëndë narkotike ka filluar në masë të madhe t’ua marrë jetën të rinjve të këtij vendi, dhe janë duke u bërë apel të gjithëve që nëse hasin në të t’i lajmërojnë autoritet përkatëse. /Telegrafi/
