Pistoletë e tipit ‘Arkus’, kalibër nëntë milimetra, me karikator me 15 plumba dhe dy karikatorë për pistoletë, me 55 plumba, dy orë dore, qafore prej ari, byzylyk dhe 3 mijë denarë janë vjedhur mbrëmë në një banesë në Shkup, përcjell Telegrafi Maqedoni.
Sipas MPB-së, vjedhja ka ndodhur midis orës 19:00 dhe 00:10 në banesën në rrugën ‘Heraklea’, pronë e H.K. (43).
Autori tani për tani i panjohur, me çelës përshtatës ose mjet adekuat e ka hapur derën e hyrjes, ka hyrë në banesë dhe para vjedhjes ka kërkuar në të.
Janë marrë masa për gjetjen e tij dhe për zbardhjen e plotë të rastit. /Telegrafi/