Virozat e stinës kanë bërë që të ketë një fluks të shtuar të qytetarëve drejt qendrave shëndetësore dhe urgjencave në të gjithë Shqipërinë.
Sipas Euronews Albania, në urgjencën e QSUT-së në Tiranë paraqiten rreth 240 pacientë në ditë, të cilët kërkojnë ndihmë mjekësore.
Ky numër tepër i lartë vjen pasi qytetarët refuzojnë të shkojnë drejt qendrave shëndetësore, pasi mendojnë se në spital do të kenë një shërim më të shpejt.
Në urgjencën e QSUT-së vijon të jetë një fluks i lartë i pacientëve, mesatarisht 240 pacientë që kërkojnë ndihmë mjekësore. Në pediatri ka dhe një numër më të lartë të fëmijëve që kërkojnë ndihmë mjekësore.
E rënduar shfaqet gjendja dhe në qytetin e Vlorës ku numri i vizitave në ditë në urgjencën e spitalit rajonal shkon në 100.
Ndërkohë që fluks të shtuar ka dhe në spitalin rajonal të Korçës ku numri i vizitave në urgjencë shkon në 80.
Edhe në spitalin e Elbasanit ka një shtim të shtuar të vizitave, ku numri i pacienteve ka shkuar dhe në 170 në ditë. /Telegrafi/