Vinicius Junior ishte njëri nga lojtarët më të mirë të Real Madrid të enjten në mbrëmje, por ai nuk ishte në gjendje të parandalonte humbjen e ekipit të tij 4-3 ndaj Real Sociedad në Copa del Rey.
Talenti brazilian ka qenë shumë i përfolur për një largim nga Santiago Bernabeu, pasi nuk po merr shumë minuta loje.
Megjithatë, pas ndeshjes ndaj Sociedadit, braziliani përsëri bëri të qartë se ai është i vendosur të ketë sukses në Bernabeu dhe nuk mendon transferimin te Paris Saint-Germain.
“Nuk ka zgjidhje tjetër, unë dua të qëndroj në Madrid”, ka thënë fillimisht Vinicius Jr kur u pyet për një largim të mundshëm.
“Unë jam duke arritur nivelin tim si sezonin e kaluar, i cili në janar deri në shkurt ishte shumë i mirë”.
“Dua të vazhdoj kështu dhe pa lëndime”.
“Zidane gjithmonë më ka dhënë besimin që kam nevojë dhe më ka dhënë mundësi”, përfundoi talenti brazilian. /Telegrafi/