Sulmuesi brazilian, Vinicius Junior ka bërë të ditur kërkesat e tij për paga për rinovimin e kontratës me Real Madridin.
Marrëveshja aktuale e anësorit 24-vjeçar zgjat deri në verën e vitit 2027 dhe negociatat mes lojtarit dhe klubit do të rifillojnë në verë pas përfundimit të sezonit.
Kontrata e tij aktuale, e nënshkruar në vitin 2022, i garanton atij 75 milionë euro pas taksave gjatë kohëzgjatjes së saj, mesatarisht 15 milionë euro në vit, me rritje vjetore.
Kontrata përfshin gjithashtu edhe bonuse për shpërblime personale.
Sipas gazetës AS, pas fitimit të çmimit FIFA The Best, braziliani mori një bonus prej 2 milionë eurosh dhe një bonus i ngjashëm është në fuqi nëse ai fiton Topin e Artë.
Aktualisht, Vinicius fiton mesatarisht 15 milionë euro në vit, që është e njëjtë me Kylian Mbappe.
The Saudi interest has been a constant story this season.https://t.co/iG7LIZgUgT#RealMadrid #Vinicuis
— Football España (@footballespana_) March 4, 2025
Në marrëveshjen e tij të re, braziliani kërkon të paktën 5 milionë euro më shumë në vit, për të kaluar kështu bashkëlojtarin francez.
Klubi është i vetëdijshëm për kërkesat e lojtarit dhe po shqyrton kërkesën, pasi përveç Mbappes, kjo do të prekte edhe Jude Bellingham, i cili gjithashtu është afër rinovimit. /Telegrafi/