Ylli i Real Madridit, Vinicius Junior ka kritikuar sërish mungesën e veprimit të La Ligës për abuzimet raciste në ndeshje.
Vinicius ishte në shënjestër të thirrjeve të neveritshme nga tribunat në fitoren 2-1 të Real Madridit në derbin ndaj Atletico Madridit në shtator, me La Ligën që dështoi të reagojë mjaftueshëm ndaj një çështjeje të vazhdueshme në futbollin spanjoll.
Reprezentuesi brazilian mori më shumë abuzime, si në stadium ashtu edhe në internet, në ndeshjet pasuese të ligës përpara pushimit të Kupës së Botës “Katar 2022”.
Video të tjera janë shfaqur me sharje raciste që synojnë Vinciusin, në rikthimin fitues të Real Madridit në La Liga në ndeshjen kundër Real Valladolid, dhe 22-vjeçari dha një përgjigje të prerë për situatën.
Vallodolid fans chanting monkey noises at Vini Jr as he walks off.
F**king disgraceful. ? pic.twitter.com/j0gK3MiKhi
— Football Tweet ⚽ (@Football__Tweet) December 30, 2022
“Racistët vazhdojnë të shkojnë në stadiume dhe të shohin nga afër klubin më të mirë në botë, dhe La Liga vazhdon pa bërë asgjë”.
“Do të vazhdoj me kokën lart dhe duke festuar fitoret e mia dhe të Real Madridit. Në fund të fundit, faji jam unë!”, ka shkruar braziliani në Instagram.
Vinicus ka të ngjarë të pushohet për udhëtimin e Real Madridit në Kupën e Mbretit në CP Cacereno, si pjesë e një formacioni shumë të ndryshuar kundër ekipit të nivelit të katërt, përpara se të kthehet për ndeshjen e ligës në Villarreal më 7 janar. /Telegrafi/