Vinicius Junior është njëri nga futbollistët më të rëndësishëm të Real Madridit viteve të fundit.
Por këtë edicion, braziliani së bashku me Karim Benzeman janë lider të Los Blancos duke treguar formë të jashtëzakonshme.
21-vjeçari në 22 ndeshje këtë edicion ka shënuar 12 gola dhe ka dhuruar shtatë asistime me fanellën madrilene.
Duke parë formën fantastike, në Spanjë flitet se një dit Vinicius mund ta fitojë edhe ‘Topin e Artë’, nëse vazhdon me këtë formë edhe viteve të ardhshme.
Ka qenë vet braziliani që ëndërron ta bëj një gjë të tillë, por është i vetëdijshëm se i duhet të punojë shumë.
“Detyra ime është të punoj fort siç kam bërë deri më tani. Nëse vazhdoj me këtë ritëm në stërvitje dhe në fushë jam i bindur se një ditë do ta fitoj këtë çmim, por tani mendoj vetëm të fitoj trofe me Realin”, tha Vinicius.
Reprezentuesi brazilian është pjesë e Real Madridit nga viti 2018, kur iu bashkua nga Flamengo për 45 milionë euro. /Telegrafi/