Vince McMahon kërkon shumë për të shitur aksionet e tij në WWE

Vince McMahon është goditur nga skandale së fundmi dhe duket se zgjidhja e fundit është të shesë aksionet e tij në WWE.

Sipas ekspertëve, nuk do të jetë një proces i thjeshtë, pasi sipas Lucas Shaw, manjati do të kërkonte një shumë të lartë për të shitur aksionet e tij në kompaninë më të suksesshme të mundjes në botë.

Bloomberg raportoi se McMahon do të kërkonte 9 miliardë dollarë për aksionet e tij, por do të ishte një çmim i volitshëm që ai të hiqte qafe më në fund kompaninë sepse, megjithëse është njeriu që e themeloi ligën, ai ka gjithashtu disa probleme që i kanë njollosur imazhin.

Lexo po ashtu WWE do shitet brenda tre muajsh - vlera e kompanisë kap miliarda euro

Kush janë të interesuar të blejnë WWE?

Disa emra janë shfaqur për të paguar shumën që kërkon McMahon për kompaninë e tij. Midis tyre është një nga konkurrentët e tij kryesorë: Tony Khan, i cili është president i All Elite Wrestling (AEW). Ai është djali i Shahid Khan, pronar i Jacksonville Jaguars të NFL dhe Fulhamit të Ligës Premier dhe bizneseve të tjera me pakicë.

Por, ka gjithashtu interesim nga kompanitë strategjike të nivelit shumëkombësh si Netflix dhe Walt Disney.

Lexo po ashtu Të gjitha lajmet nga WWE

Pasuria neto e pronarëve të WWE:

Vince McMahon: 2,552,969,558 dollarë;

Stephanie McMahon: 170,842,415 dollarë;

Linda McMahon: 50,320,030 dollarë;

Kevin Dunn: 24,205,410 dollarë;

Nick Khan: 13,837,200 dollarë;

Frank Riddick: 10,931,948 dollarë;

Paul Levesque: 8,323,822 dollarë.

Ndërsa vlera totale e vlerësuar e kompanisë është 6.5 miliardë dollarë.

Vince McMahon është themeluesi i WWE, i cili është në biznes që nga viti 1980 dhe është kompania më e njohur e mundjes në botë. /Telegrafi/