Mirëpo, ato janë Andet peruane, pikërisht këtu në planetin Tokë
Mali, ngjyrat e të cilit shkaktohen nga depozitat e mineraleve, ndodhet rreth tri deri në katër orë me veturë në juglindje të qytetit Cusco, një qytet i bukur i mbushur me ndërtesa koloniale spanjolle.
Maja e kësaj mrekullie të natyrës ndodhet në 5.200 metra mbi nivelin e detit. Besoni apo jo, ky mal u zbulua vetëm në vitin 2015 kur bora që e mbuloi u shkri, duke zbuluar bukurinë natyrore të shkëmbit poshtë, transmeton Telegrafi.
I formuar nga moti, kushtet mjedisore dhe depozitat sedimentare me kalimin e kohës, mineralogjia unike e malit ka krijuar një efekt mermeri, me nuanca të shtresuara prej ari, livando, të kuqe dhe bruz që ngrihen në qiell.
Maja e Winikunka mund të arrihet përmes shtegut sfidues gjashtë- ditor Ausangate. Pjesë të shtegut ndodhen në më shumë se 4800 metra mbi nivelin e detit, dhe lartësia mund të jetë një sfidë e vërtetë – duhet të pini shumë ujë, të bëni pushime të rregullta dhe të mbani paracetamol me vete.
Sipas shërbimeve lokale, rreth 1500 njerëz vizitojnë Winikunka çdo ditë.
Megjithatë, vetëm ngjitja ia vlen për pamjet unike të botës tjetër dhe qetësinë relative të rrugës, ndryshe nga shtegu turistik i inkëve në Machu Picchu. Kushtet e shtigjeve janë më të mira dhe më të thata gjatë muajve të dimrit të Perusë: prill-nëntor. /Telegrafi/
