Modeli dhe këngëtari, Vigan Shehu, ka nisur një romancë të re dashurie.
Në krahët e djaloshit nga Gjakova, i cili njihet për lidhjet e shumta, tani gjendet një bukuroshe e quajtur Anna Varta, e cila është një modele nga Moldavia.
Për Telegrafin, Vigani tha se ishte dashuri në shikim të parë dhe se gjithçka ka nisur shumë shpejt.
“Gjatë pushimit në Turqi, në Kemer, jam takuar me bukuroshen Anna Varta, ku dhe ajo ishte për pushime. Bukuria e saj më tërhoqi shumë dhe ja ku jemi sot, kemi krijuar një lidhje mjaft të fortë”, tha Vigani, të cilit si duket Anna ia ka rrëmbyer zemrën.
“Nuk mund të flas për të ardhmen, pasi është e pa parashikueshme, por gjërat momentalisht janë duke shkuar shumë mirë dhe unë po ndihem mirë me të”, tha për fund djaloshi, i cili për publikun shqiptar u bë i dashur gjatë pjesëmarrjes së tij në “Big Brother Albania”.
Ndryshe Vigani ka hyrë fuqishëm edhe në tregun muzikor shqiptar, projekti i tij i fundit i titulluar “Tregoma” u pëlqye mjaft shumë nga publiku. /Telegrafi/
